忙到嘔!

上星期五裁員後,
接咗成個部門黎做,
聽落好似好勁,
實質做到隻狗咁!

一個人做4個人野...
真係想做死我!
所以日日做到89點先收工,
人都顛..
仲要返到屋企繼續做!

2nd round

今日...終於宣佈裁員名單!
即日生效!
同事們都愁雲慘霧!

雖然我今次可以逃過一劫,
不過, 唔代表安全,
因為仲會繼續有...
哩d日子真係唔好受!

1個人做4個人嘅工作...
仲要帶住今日唔知聽日事嘅心情,
就算幾努力都未必做到好成績!

同事們... 大家互相守望!
希望可以共同捱過2009!

重症肌無力

在家第三天!
瞓覺...休息... 聽電視... 休息...
已經開始食到野,
講野都有番力氣;
不過... 到眼睛有問題,
睇野有出現重影的複視,
個人暈舵舵...
行每一步都要好小心,
因為唔知安唔安全,
尤其是上落樓梯,
好易差錯腳...
睇電視都暈... 因為foucs唔到!
只好聽啦!!

眼皮下垂, 複視, 說話含糊, 呼吸及吞嚥困難,
都係重症肌無力嘅病徵,
醫生都係建議我休息,
因為休息係灰復體力最快嘅方法...
所以都係瞓啦!!!

復發

可能近來壓力實在太大,
開始食野同講野又出現問題...
但, 我依然有返工,
因為我怕... 再請病假,
第一個就裁我!
:(

無諗過... 壓力可以咁大威力!

壓力.... 病!

從來未試過痾咁耐唔好!
已經食唔落, 仲要一食就痾!
又胃痛... 救命!
可能真係壓力大!

今日高層又開會...
鞋口鞋面咁出黎...
好似出殯咁!

究竟仲要折磨到幾時?