犯賤的我!

返左幾日工... 最唔適應係無得上網!
所以... 決定買過部電話有得上網!
咁就解決到! YEAH!!!!!!!


新公司... 新工作都幾好!
唔駛OT! 因為FC都係6:15彈閘!
佢之前都有同我講唔主張OT.
我以為佢講吓!
原來講得出做得到!
好野!!!


但係... 之前公司陪養左個唔知係好定唔好嘅習慣..
就係OT! 可能真係有D犯賤!
唔OT好似對唔住公司,
過唔到自己!

你地話我係唔係犯賤吖!?

烤襟... 舞DUCK上茫

新公司樣樣都OKAY!
淨係無得上網就唔係好慣!
可能之前果間實在太自由啦~
攪到好似無得上係公司唔啱咁!
其實好多朋友仔公司都無得上..
要習慣吓!!!!!!

暫別少奶奶生活!!!

終於要返工啦!
少奶生活暫時要停一停!
係時候收拾心情... 上班去!

休息左5個月... 都係時候架啦!
雖然係好遊閒,
不過... 都真係有D悶!

至於D飲食篇...
就要等到星期六日先有得分享啦!
相信最開心都係老公...
因為... 佢終於可以真真正正進行減肥計劃啦!

第三輪... 終於到我!

2009年4月最後一日...
亦都係我係哩間公司嘅最後一日!

第三輪... 終於輪到我!
加入失業大軍行列!
大約12時... 老細call我入房,
從電話中已知事有不妙,
同平時語氣不同...
入到去... 講一輪廢話, 問我估唔估到乜事,
講真... 一早就有心理準備(都準備咗3個月啦)
公司生意咁差, 個個月都紅色...
唔炒先至奇!
都好... 起碼有得陪!

依家... 唯有好似大家所講,
係屋企休息吓先!

忙到嘔!

上星期五裁員後,
接咗成個部門黎做,
聽落好似好勁,
實質做到隻狗咁!

一個人做4個人野...
真係想做死我!
所以日日做到89點先收工,
人都顛..
仲要返到屋企繼續做!

2nd round

今日...終於宣佈裁員名單!
即日生效!
同事們都愁雲慘霧!

雖然我今次可以逃過一劫,
不過, 唔代表安全,
因為仲會繼續有...
哩d日子真係唔好受!

1個人做4個人嘅工作...
仲要帶住今日唔知聽日事嘅心情,
就算幾努力都未必做到好成績!

同事們... 大家互相守望!
希望可以共同捱過2009!

涯得一日得一日

這星期... 公司氣氛差透,
心情都有點沈!
如題一樣... 涯得一日得一日!
因為公司又準備裁員,
收到消息, 今次比上次還要多...
不論你是否忙與否,
都有可能成為名單上一份子...sigh!
經濟差, 市道差, 生意差...
就係員工度落刀...
咁經濟好番,
公司又會唔會請反被裁嘅人!?

琴日係朋友公司見到,
詩篇23篇... 好窩心!
真係好慶幸自己係基督教,
如果無神,
我會因環境而改變而變得沮喪... 無盼望!

雖然前路唔知會點,
不過, 我深信神一定會幫助,
Thanks God!

耶和華是我的牧者. 我必不至缺乏。
他使我躺臥在青草地上、領我在可安歇的水邊。
他使我的靈魂甦醒、為自己的名引導我走義路。
我雖然行過死蔭的幽谷、也不怕遭害.
因為你與我同在.你的杖、你的竿、都安慰我。
在我敵人面前、你為我擺設筵席.
你用油膏了我的頭、使我的福杯滿溢。
我一生一世必有恩惠慈愛隨著我.
我且要住在耶和華的殿中、直到永遠。

螢光保齡

上星期五公司攪咗個保齡運動,
原來今年連Annual Dinner都無埋,
真係慳家!
不過都幾好玩... 因為比賽完之後,
全場熄燈... 變哂螢光!
嘩! 好靚!!!
不過, 如果自己比錢打一定唔會...
因為太過迷幻... 好難對準!

安份守己

如果用這四個字來形容職場的我... 絕對唔合適,
不過, 我相信我要努力跟他們好好的學習!


唔係話自己好勝.. 只係覺得進取!
不過似乎都唔適用於現時!!
努力學習安份守己!!!

:(

忙

工作好忙... 大陸香港兩邊走!
以前誓死唔返大陸... 依家都無得我say no.

不過眼見隔離個部門得閒到死...
唔係中眼瞓, 就係facebook, youtube...
真係人都顛!

點解佢地可以咁得閒,
仲可以請人,
而我地dept咁忙... 就無headcount!
乜野世界?

又出現同一間公司,不平等現象!

神呀... 求你幫助!!!!

自殘

又一個月後update...

因為實在好忙!
忙咩!? 返學啦.. 工作啦.. 睇醫生啦!!
哩三樣都有排玩... 死我!

近來"退休"這兩個字不時係我腦海出現,
可能實在太忙而且時時都病,
令到我都不禁唔認老!

人越大, 機器就越易壞,
仲要壞咗就好難好,
過哂保養期!!
有錢都唔受保... 仲可況無錢!
有人話辛苦搵黎志在食,
不過... 又怕肥!
咁... 辛苦又為乜?

講完一大論廢話, 都係繼續開工,
繼續自殘... 做死自己!!!

工作又轉變

在這公司工作已經有六個年頭,
很多同事都問我為何可以支撐到今時今日,
他們都覺得工作乏味,
但我偏偏沒有這感覺,
不是因為我遲鈍或反應過慢,
而是我的工作範疇不停的在變,
最長的職務也不過一年...
可想而知, 又怎會覺悶呢!?

而且, 我的身體又不太好,
要找一間公司可以容許我時常請病假,
實在有點難!

所以, 我又怎能不在這公司繼續做下去呢!?

工作間的"基督徒"!!!

無話過工作間的基督徒要好Holy,
時時要將 神放係口邊;
不過...至少唔好差過d非基督徒吖!!!
但原來事實並非如此,
行為陰險到... 真係想摑佢兩巴!
點解會有d咁嘅弟兄姊妹!?
真的掉臉!!!!

雖然聖經講過要愛人如己,
不過, 對住d咁嘅人真係愛唔出!

同事問我... 點解基督徒會係咁!
佢地已經將所有基督徒都label哂一樣!
死未!!!
就算其他基督徒做得幾好都無用,
一個就已經打沈哂!
真係"一竹高打哂一船基督徒"!!!