林 C NINE - 甜品篇<6>

自家製冰皮月餅又黎啦!

停左兩年, 今年又整番!
總共整左50個!
奶皇紅豆各半...
(有D紅豆有綠茶餡... 因為紅豆唔夠)

奶皇餡炒到手都跛~~
次次整完都話唔會有下次,
但係... 都會又整過!
不過, 的而且確好香.. 好好味.. 好滑!!

老公星期六同我去買材料,
佢見"二德惠"樣樣野都有現成,
現成冰皮粉, 綠豆餡, 奶皇餡, 紅豆餡, 芝麻餡....
問我點解唔買果D,
要自己煮/炒...
我話因為果D唔叫自己整,
只係將人地整好嘅野,
買番屋企 然後將佢地混為一體,
咁都叫自己整.. 就算好食都係人地D材料好..
唔關自己事!!!
去大班買仲好!!

不過... 今年都有D懶,
無整綠豆, 改為紅豆...
如果整埋綠豆餡一定連命都無!
依家都整左7-8個鐘...
腰骨都直哂!!!

哈... 今年要特別鳴謝老公!
因為佢都有份整!!
(奶皇餡果D)
希望有機會食到嘅朋友仔...要細心享受!

冰皮月餅... 有機會出年再見啦!!!